मनुफॅक्चरींग च्या गोष्टी २०- शहाणे करुन सोडावे। सकळ जन।।

आज परत एकदा मेंटेननस हेडला सकाळच्या मीटिंग मध्ये ओरडा एकावा लागला. मागील चार पाच दिवसांपासून बंद असलेल्या एका विशिष्ट मशीन वरून गेले तीन चार दिवस सकाळची प्रोडक्शन आणि लॉस मीटिंग म्हणजे मेंटेनन्स हेडला नकोशी झाली होती.

इथ थोडस सकाळच्या मीटिंग बद्दल. बहुतांश कंपनीमध्ये सकाळी प्रॉडक्शन मीटिंग घेण्यात येते. यामध्ये प्रामुख्याने सुरक्षा, गुणवत्ता, उत्पादन, ग्राहकाला पाठवला गेला माल इत्यादी कालच्या ठरवलेल्या आणि साध्य केलेल्या संख्या यावर चर्चा होते.

 ज्या ठिकाणी अपेक्षित ध्येय गाठले जात नाही तिथे काय लॉसेस होते याचा आढावा आणि कृती आराखडा बघितलं जातो. हे लॉस होऊ नये यासाठी वेगवेगळे विभाग जबाबदार असतात. उदाहरणार्थ कच्चामाल न मिळाल्यामुळे होणारा लॉस यासाठी परचेस विभाग कार्यवाही करत असतो. आणि वेळेत कच्च्या मालाची उपलब्धता ही देखील बघत असतो. 

आपल्या आजच्या कथेमध्ये मशीन ब्रेक डाऊन झाल्यामुळे होणारा लॉस या विषयावर आपल्या मेंटेनन्स हेडला ऐकून घ्यावे लागले होते

आता ही जी मशीन बंद पडली होती तिचे ह्याच कारणासाठी मागील सहा महिन्यात हे दुसरे ब्रेकडाऊन होते. ही ह्या प्रकारची एकच मशीन असल्याने उत्पादन थांबून त्याचा पूर्ण करण्यासाठीच वेळ वाढला होता.

त्या दृष्टिने पाहू जाता ही मशीन सुपर क्रिटिकल प्रकारची मशीन होती. म्हणजेच अशी मशीन की ज्यामुळे ग्राहकाला पाठवायचे उत्पादन थांबू शकते. शेवटी कंपनीचा सर्व उपद्व्याप हा ग्राहकाला वेळेवर माल पाठवणे आणि त्यातून नफा कमावणे हाच असतो असो.

तर पुनः ह्या प्रॉब्लेम कडे वळू. तर मेंटेनन्स हेड मीटिंग संपवून मेंटेनन्स शॉप मध्ये आले. तिथे फळ्यावर ब्रेकाडाऊन ची कारणमीमांसा मांडली होती

मशीन नाव - वेल्डिंग ०१२३

ब्रेकडाऊन सुरू झाल्याची वेळ आणि दिनांक ८.३०, शनिवार २२ मार्च २००८

मेंटेनन्स ऑपरेटर ची शेवटची ॲक्शन - वेल्डिंग टॉर्च बदलणे ( त्याच भागाची वाट पाहणे सुरू आहे)

का १ - टॉर्च जळाली

का २ - टॉर्च क्षमतेपेक्षा गरम झाली

का ३ - टॉर्च ला थंड ठेवण्यासाठी चा पाणी पुरवठा बंद आढळला.

मूळ कारण - वेल्डिंग टॉर्च थंड ठेवण्यासाठी होणारा पाण्याचा पुरवठा बंद होता. 

तर मग त्यादिवशी अस वेगळं काय झालं की पाणी बंद होते.

तर यामागे खोच अशी होती की त्यादिवशी आठवडी सुट्टीनंतरचा पाहिला दिवस होता. नेहमीचा कामगार सुट्टीवर असल्यामुळे नवीन कामगार त्या ठिकाणी काम करत होता. मशीनचा मागील बाजूस असलेला पाणी पुरवठा करणारा व्हॉल्व बंद होता. जो प्रत्येक वेळा मशिन सुरू करताना तपासणे आवश्यक असे. आणि ही गोष्ट नेहमीचे कामगार पाळत असतं.

इथपर्यंत पुन्हा एकदा वाचून झाल्यावर मेंटेनन्स हेड ने ट्रेनिंग विभागाच्या अधिकाऱ्याला फोन लावला आणि ह्याविषयावरील एक one point lesson (OPL- एका वाक्यातील धडा) बनवून त्या मशीन वरच लावायला सांगितला.

तसेच तिथे काम करणाऱ्या सर्व कामगारांना तो धडा शिकवला जाईल ही जाणीव करून दिली. त्यानुसार ट्रेनिंग अधिकाऱ्याने कार्यवाही केली.

दरम्यान बाहेर देशांमधून आणलेला सुटा भाग देखील मिळाला. तो बदलून मशीन सुरू झाली आणि उत्पादन विभागाला मशीन देण्यात आली.

ज्ञान आणि कौशल्य हे एकमेकांना सांगितले शिकवलेच पाहिजे हा या सर्व अडचणी मधून मिळालेला धडा होता. त्यातून शहाणे होत ट्रेनिंग विभागाने पुनः एकवार असे क्रिटिकल स्किल शोधून त्याचे OPL बनवून ट्रेनिंग घेतले.

संत रामदासांनी म्हटलेच आहे

जे जे आपणासी ठावे। ते ते इतरांसी सांगावे। शहाणे करुन सोडावे। सकळ जन।।

सचिन काळे ©️