डॉ.भूषण आणि डॉ.मधुरा केळकर यांनी लिहिलेले करिअरची गुणसूत्रे हे पुस्तक विद्यार्थी नोकरदार आणि ज्यांना शिकण्याची मुख्यत्वे स्वतःला अद्यावत करण्याची इच्छा आहे त्यांना मार्गदर्शक ठरणारे आहे.
तंत्रज्ञानामध्ये वेगाने बदल होत आहेत. हा वेग अगदी भोवळ आणणारा आहे. काल जे ज्ञान आणि कौशल्य याद्वारे हमखास रोजगार मिळत होता त्यावर याचा परिणाम होत असून वेगळ्या प्रकारचे रोजगार आज निर्माण होत आहे यासाठी नवीन कौशल्य आणि ज्ञान गरजेचे असून ते आत्मसात करणे आणि स्वतःला नवीन स्पर्धेसाठी तयार ठेवणे यासाठी हे पुस्तक नक्कीच मदतीचे ठरेल.
गेल्या काही वर्षांमध्ये मुलाखती घेत असताना उमेदवार हे अजूनही पारंपारिक पद्धतीनेच विचार करतात तसेच इंडस्ट्री 4.0, ए आय आणि आजकाल ज्याचा खूप बोलबाला झालेला आहे ते चॅट जीपीटी सारखे तंत्र याविषयी बहुतेक जण अनभिज्ञ असल्याचे आढळून आले.
आमच्या आस्थापनामध्ये याविषयी एक इनोव्हेशन सेल बनवण्यात आला असून त्याद्वारे व्यवस्थापक आणि विभाग यांची उत्पादकता कशी वाढवता येईल याविषयी अभ्यास सुरू आहे. या तिन्ही नवीन संज्ञांचा वापर उत्पादन तसेच रिसर्च आणि डेव्हलपमेंट त्यासोबतच सप्लाय चेन मॅनेजमेंट या विभागांमध्ये करणे सुरू झाले आहे.
या पुस्तकाचं त्यात सांगितलेला तंत्राचा उपयोग कसा होऊ शकतो याचे एक उदाहरण म्हणजे गेले काही वर्षांपासून बऱ्याच विद्यार्थ्यांना इंटर्नशिप साठी चांगली आस्थापनं मिळत नाहीत तर यावर यामध्ये एक धडा क्रमांक 15 असून इंटर्नशिप साठी वेगवेगळ्या वेबसाईट दिलेल्या असून घरबसल्या मोबाईल द्वारे इंटरशिप शोधता येईल त्यासोबतच ती वर्चुअली देखील करता येईल याविषयी मार्गदर्शन करण्यात आलेले आहे.
त्यासोबतच करिअर डेव्हलपमेंटच्या दृष्टीने महत्त्वाचे असणारे वेगवेगळे विषय उदाहरणांसह त्यासोबतच मुख्यत्वे ऑनलाइन आणि नाम मात्र शुल्क अथवा अगदी विना मोबदला कशा पद्धतीने करता येईल यासाठीच्या वेबसाईट वेगवेगळे ॲप्स यांची देखील माहिती देण्यात आलेली आहे विषयांचे नाव बघितले तर त्याचे महत्त्व समजून येईल उदाहरणार्थ टाईम मॅनेजमेंट, स्कॉलरशिप, पेटंट, डिजिटल प्रेझेन्स, जॉब शोधताना इत्यादी इत्यादी.
एकंदरच स्वतःला अद्यावत करण्यासाठी ह्या लेखक द्वयीने लिहिलेले करिअरची गुणसूत्रे हे पुस्तक खूप उपयोगी ठरणार आहे. मराठी भाषेमध्ये एवढे सुंदर पुस्तक आणल्याबद्दल दोघांचेही खूप खूप कौतुक आणि आभार.
सचिन काळे
1 comment:
सचिन , खूप खूप कौतुक.
Post a Comment